Old English Reading 1: Appendix, Texts
The Chronicle: Annal 449

Source: Wikisource, Anglo-Saxon Chronicle (E), annal 449, from C. Plummer's 1892 edition: the first thirteen sentences only. The annal continues beyond them.
Licence: The work is public domain; the Wikisource page text is CC BY-SA 4.0.
Note: The lines here are one sentence each; the page prints the annal as running prose.
Old English only. The editors' marks are kept; no gloss or translation.

1. Her Martianus and Valentinus onfengon rice, and rixadon vii wiñt.
2. and on þeora dagum gelaðode Wyrtgeorn Angel cin hider.
3. and hi þa coman on þrim ceolum hider to Brytene. on þam stede Heopwines fleot.
4. Se cyning Wyrt georn gef heom land on suðan eastan ðissum lande.
5. wiððan þe hi sceoldon feohton wið Pyhtas.
6. Heo þa fuhton wið Pyhtas. and heofdon sige swa hwer swa heo comon.
7. Hy ða sendon to Angle heton sendon mara fultum.
8. and heton heom secgan Brytwalana nahtscipe. and þes landes cysta.
9. Hy ða sona sendon hider mare weored þam oðrum to fultume.
10. Ða comon þa men of þrim megðum Germanie. Of Ald Seaxum. of Anglum. of Iotum.
11. Of Iotum comon Cantwara. and Wihtwara. ꝥ is seo megð þe nu eardaþ on Wiht.
12. and ꝥ cyn on West Sexum þe man nu git hæt Iutna cynn.
13. Of Eald Seaxum coman East Seaxa. and Suð Sexa. and West Sexa.